Andeer - Via Spluga vegn pli attractiva grazia a punt nova
La notg da venderdi sin sonda vegn installada da manaivel da Pùntcrap (Rofflaschlucht) ina punt ch’è passa 15 tonnas greva e 42.5 meters lunga. Ella è vegnida construida d’ina firma indigena. Ils custs muntan a radund 780'000 francs che vegnan pajads da privats, sponsurs e la vischnanca d’Andeer.
1 / 11
Legenda:
Actualmain è la punt anc sin quest parcadi da la chava da crappa.
RTR, Federico Belotti
2 / 11
Legenda:
Dominik Mani ch'è il patrun da l'interpresa Mani Holzbau ha construì la punt ensemen cun sia squadra.
RTR, Federico Belotti
3 / 11
Legenda:
Tut è pront per il grond transport.
RTR, Federico Belotti
4 / 11
Legenda:
Tut è pront e la punt po vegnir.
RTR, Federico Belotti
5 / 11
Legenda:
A la fin dal Lai da Seara vegn installada la punt nova.
RTR, Federico Belotti
6 / 11
Legenda:
Venderdi saira ils 11 da zercladur vegn installada la punt nova.
RTR, Federico Belotti
7 / 11
Legenda:
Flurin Melchior, l'ustier dal hotel Rofflaschlucht è il cuniniziant da la punt.
RTR, Federico Belotti
8 / 11
Legenda:
Ils fundaments èn preparads per la punt nova.
RTR, Federico Belotti
9 / 11
Legenda:
Grazia la punt nova scroda ina pendenza da 100 meters per ils viandants da la Via Spluga.
mad
10 / 11
Legenda:
Gist suenter la nova punt en direcziun da la chavorgia da Roffla/Pùntcrap ins passa sin questa senda da viandar.
RTR, Federico Belotti
11 / 11
Legenda:
Suenter ch'ins è passà la punt nova ins vegn tar questa punt veglia ch'è gia vegnida construida avant dapli che 100 onns.
RTR, Federico Belotti
Sco quai ch’il Parc Beverin scriva en ina communicaziun, saja l’idea da construir ina punt naschida avant otg onns. Tut la laina che deriva da la Val Schons saja vegnida pinada durant l’enviern cun glina plaina. Actualmain è la construcziun da lain sin in areal dasperas la chava da crappa d’Andeer. Venderdi saira a las diesch duai il transport succeder enfin tar il lai da Seara, nua che la punt vegn installada sin ils fundaments ch’èn gia preparads.
audio
Roffla: Nova punt pendenta per peduns
03:37 min, ord Actualitad dals 12.06.2020.
laschar ir. Durada: 3 minutas 37 Secundas.
Sche tut va tenor plan, alura po la punt gia vegnir nizzegiada la fin d’emna. Grazia questa nova punt daventia la Via Spluga pli attractiva, scriva il Parc Beverin. Da nov na ston las viandantas ed ils viandants betg pli surmuntar ina pendenza da 100 meters d’autezza per ir dad Andeer en direcziun da Sur/Sufers.