-
Bild 1 von 4Legenda: Reto Keller il directur dal spital Tusaun (da maun dretg) e Christine Demarmels surpiglian la clav dal nov vehichel ch'è vegnì construì a Volketswil/Turitg. RTR, Federico Belotti -
Bild 2 von 4Legenda: Tuts sa legran sin la nov'ambulanza che duai tegnair almain diesch onns. RTR, Federico Belotti
-
Bild 3 von 4Legenda: Curdin Camenisch, il schef dal servetsch da salvament Tusaun/Casti/Savognin sa legra sin la nov'ambulanza. RTR, Federico Belotti
-
Bild 4 von 4Legenda: Vista en la nov'ambulanza ch'è vegnida surdada il mardi. RTR, Federico Belotti
Curdin Camenisch, il schef dal servetsch da salvament ha ditg ch’ins haja fatg fitg bunas experientschas suenter la fusiun. Per exempel ins saja pli flexibel quai che pertutgia ils differents vehichels d’ambulanza, ed era il persunal possia vegnir disponì pli flexibel.
Cunquai che tuttas e tuts radund 20 sanitarias e sanitaris lavurian en tuts trais lieus dal Grischun Central, daventia era la lavur pli interessanta e varianta. A lunga vista possia ins plinavant spargnar custs cun in’organisaziun pli gronda che pli baud, ha ditg Curdin Camenisch.