Vita per l'anteriura scola dad Alvaschagn: suenter ch'il artist indigen Mirko Baselgia ha installà il 2019 en la halla da gimnastica ses atelier è il 2021 vegnì fundada in'uniun. L'Associaziun Center d'Art e Cultura Alvra (ACACA) vuless emplenir il bajetg cun vita. Cun differentas purschidas d'art, workshops, discurs ed autras activitads duess la scola d'Alvaschagn daventar in lieu d'entupada, scolaziun ed art. Birgit Brida è l'emprima mainafatschenta.
«Il center duess esser avert per tuts ch'attribueschan insatge a la vita socioculturala» resumescha la dunna dal Vorarlberg l'idea da basa. Anc ins è a l'entschatta. Cun ina retscha da discurs e divers workshops saja ussa la fasa iniziala iniziada. Ideas sajan d'enturn ina massa – ma sco savens mancan ils daners. Perquai saja dad ir sin quella via pass per pass.
