Las bancas Raiffeisen grischunas han fatg l'onn passà in gudogn da 6,2 milliuns francs. Quai èn bunamain 14% dapli ch'il 2022. Tenor ina communicaziun haja surtut la fatschenta da tschains e la fatschenta da cumissiuns e servetschs contribuì bler al gudogn. Il retgav da la fatschenta da tschains per exempel saja s'augmentà per 23% sin 81 milliuns francs. Malgrà difficultads sin il martgà – per exempel malsegirezzas pervia dals conflicts en l'Ucraina ed il Proxim Orient – haja bleras persunas investì cun las bancas Raiffeisen.
Dal gudogn restan 70% tar las set societads cooperativas che pon rinforzar lur basa da capital. Il volumen da hipotecas da las bancas Raiffeisen grischunas è creschì sin 5,7 milliardas francs. Quai correspunda ad in augment da 2,5%.