Ils participants e las participantas dal curs da rumantsch van in mez di a scola, suenter datti in program cun differentas activitads. Il focus sper la lingua è la regiun, sia cultura e las attracziuns localas. A Savognin vegnan per exempel persunalitads localas en classa è raquintan insatge da lur vita. Ils curs da Glion porschan la pussaivladad da chantar ensemen. A Scuol vegn tschenà communablamain. Ch'ils curs èn populars mussan las cifras: 104 persunas emprendan actualmain a Glion, 134 a Scuol e var 70 a Savognin.
Pliras persunas ch'eran inscrittas gia avant ad in curs da rumantsch online, hajan suenter gì il desideri da vegnir la stad ad in curs intensiv. Ils scolars e las scolaras dal curs online da Bartolome Tscharner han furmà ina classa che n'era betg prevesida a l'entschatta. Las persunas che vegnan dals curs online n'èn bitg la maioritad, il fenomen è percunter nov.
Quels ch'han mo il curs online, han uss la pussaivladad da s'entupar cun auters. En quai senn èsi in gudogn.
Las plattafurmas per sesidas virtualas èn per tuts e tuttas cumadaivlas, mo ellas hajan cunfins. Ils muments da cuminanza ch'ils curs da stad porschan en la culminaziun suenter numerusas lecziuns passentadas davant il computer.
Or da l'archiv:
