Suenter la mort d'ina giuvna ch'aveva visità ina festa da rave, sur Roveredo il november passà datti trais persunas inculpadas. Quai ha la Procura publica grischuna confermà envers l'emettur RSI. I sa tracta dals organisaturs da l'occurrenza in Tessinais da 24 onns e dus burgais talians.
Als trais umens vegn renfatschà d'avair tralaschà da gidar la giuvna da 19 onns. Cura ch'ins aveva constatà al lieu da la party che la dunna steva fitg mal avevan pliras persunas transportà ella en l'ospital a Bellinzona. Là è ella morta.
audio
Per tadlar: las novitads da las 12:00
ord RTR Audio dals 31.08.2023.
laschar ir. Durada: 5 minutas 8 Secundas.
