Il Cussegl da fundaziun da las Medias Rumantschas FMR ha dus novs commembers. Vegnids elegids èn Gion Capeder e Gian Ramming. Cun l'elecziun da dus novs comemmbers sa cumpona la Fundaziun da nov da 6 enstagl 5 commembras e commembers.
Gion Capeder ch'è oriund da Casti è mainagestiun da la LANDI Werdenberg SA. El era tranter auter stà engaschà plirs onns tar instituziuns rumantschas, sco per exempel en la suprastanza da la Lia Rumantscha, en la suprastanza da l’Uniun Rumantscha da Surmeir ed en il Cussegl dal public da la SRG.R.
Gian Ramming ch'è oriund da Schlarigna ha lavurà dapi ils onns 90 en il schurnalissem grischun. Sco emprim tar las gasettas Bündner Tagblatt e Südostschweiz ed a partir dal 2003 tar RTR Radiotelevisiun Svizra Rumantscha, nua ch'el era durant ils onns 2009-2017 schefredactur.
