La Gevag – ina firma che brischa rument grischun a Trimmis – ha sentì l'onn passà ch'ils pretschs per vender electricitad èn ids enavos cumpareglià cun l'onn avant. Perquai saja la svieuta da 25,6 milliuns francs stada 2,8 milliuns pli bassa ch'il 2022. Quai scriva la Gevag en ina communicaziun. Il gudogn da la Gevag per il 2023 munta a var 25'000 francs.
La radunanza dals possessurs da la Gevag, ch'aveva gì lieu mesemna, ha plinavant confermà il president dal cussegl d'administraziun Jürg Kappeler per ulteriurs quatter onns.
Adattà al tema