Er quest onn conceda la fundaziun Stavros Niarchos contribuziuns finanzialas a divers projects dals secturs cultura, scienza e fatgs socials. Sco quai che la fundaziun communitgescha pon vegnir sustegnids 106 dals totalmain 178 projects inoltrads. Tge projects e quants daners ch'els survegnan n'è betg vegnì communitgà.
![Kunstwerk finanziert von Stavros Niarchos foundation in Athen.](https://www.rtr.ch/static/cms/images/960w/caca24.jpg)
La fundaziun Stavros Niarchos era vegnida fundada l'onn 2000. Quai cun l'intent da sustegnair finanzialmain projects ed instituziuns sin ils champs da cultura, scienza e fatgs socials nua che ni vischnancas ni il chantun pon dar avunda contribuziuns.