125 projects grischuns profiteschan quest onn dal sustegn da la Fundaziun Stavros Niarchos. Pli che la mesadad da las dumondas possian pia vegnir resguardadas. Quai ha l'Uffizi chantunal da cultura communitgà.
La fundaziun Stavros Niarchos, ch'exista dapi il 2000, ha la finamira da promover projects innovativs. Però er instituziuns e persunas grischunas. Fundada è ella vegnida da la famiglia greca Niarchos ch'habita en l'Engiadina, nua ch'ella posseda plirs hotels nobels ed territoris da skis.
Il cusseglier guvernativ Martin Bühler e la manadra da l'Uffizi da cultura Barbara Gabrielli fan part dal cussegl da fundaziun per il chantun Grischun.