La vischnanca da Zuoz fa in emprim pass en direcziun d’ina nova scola e scolina: La radunanza communala ha approvà mesemna unanimamain in credit da 180'000 francs per l'occurrenza d’architectura per il nov bajetg. La finamira saja da tscherner in project e da preschentar quel ensemen cun la dumonda da credit fin l’autra stad.
Cun il credit ha la radunanza communala tschernì la varianta pli bunmartgada. Ina giuria vegn a tscherner il plan il pli adattà als basegns. Il vegl bajetg per la scolina en la Chesa dals Pesters na saja betg pli confurm a las pretensiuns per ina scolina, scriva la chanzlia communala en ina communicaziun da medias.
audio
Per tadlar: las novitads da las 12:00
ord RTR Audio dals 01.09.2023.
laschar ir. Durada: 3 minutas 16 Secundas.