A Zernez dovri in cuntschet da protecziun cunter auas grondas a Suot Via/Sosa. Uss è il credit d'investiziun dad 1,5 milliuns francs approvà. Gievgia saira ha la radunanza communala ditg Gea al credit cun 43 cunter ina vusch, tar in'abstenziun. Per circa la mesadad dals custs po Zernez spetgar contribuziuns da la Confederaziun, dal chantun e dals pertutgads en quest territori.
Vitiers han ils votants e las votantas da Zernez approvà unanimamain il quint 2023. Quella serra tar entradas da passa 24 milliuns francs cun in gudogn da 3,4 milliuns.