Ins po dir che cun ils insects na vai betg bain. E quai mundialmain. Per declerar la varietad, l’impurtanza e las raschuns da la diminuziun dals insects ha il Parc Naziunal Svizzer en rom da sia seria «NATURAMA» da quest onn envidà ad in referat da la biologa Anne Kempel.
Insects periclitads
Che il dumber da tut ils insects è sa sminuì durant ils ultims onns, han mussà differents studis areguard questa problematica. Per visualisar questa problematica ha la exposiziun temporara «Respekt, Insekt», in experiment simpel: En rom d’in monitoring dad insects, han ils scienziads en in reservat natiral a Krefeld en Germania, mess ora ina trapla standardisada. Durant dus emnas da l’onn 1989 han quest experimaint pudì collectar insects. 27 onns pli tard han ils scienziads cun las medemas metodas tschiffà bundant 2/3 pli pacs insects.
Porscher plazza per insects
Tenor Hans Lozza, responsabel dal Parc Naziunal Svizzer per la communicaziun, e responsabel per la exposiziun, saja simpel sco persuna da gidar ils insects. Sche ins posseda enturn chasa in pau terren, as possia laschar crescher las plantas e flurs fin tard en la stad. Quai per porscher ad ils insects in dachasa per as derasar e sa nutrir.
