Vulpera - Las Villas Maria e Silvana a Vulpera van a la banca

Tar l'ingiant dals dus hotels Villa Maria e Villa Silvana a Vulpera ha la banca WIR offrì il pli bler. La Villa Silvana è vegnida ingiantada per da 750’000 francs e la Villa Maria per 1'112'000 francs. La cooperativa da banca WIR è al medem mument il creditur ipotecar dals dus hotels.

Davos possessur ha fatg falliment

Il 2020 è l’hotel Villa Maria vegnì vendì al cuschinunz Johann Brugger e sia firma Alpine Lodge Investment GmbH, pauc pli tard ha el era cumprà l’hotel Villa Silvana. Ma l'èra cun il tirolais Johann Brugger è stada da curta durada. L'avrigl dal 2022 ha l'Alpine Lodge Investment fatg falliment.

Tenor infurmaziuns da l'uffizi da concurs e falliment da la regiun Engiadina Bassa Val Müstair hai dà avant l'ingiant divers interessents. Sper ils dus bajetgs han anc duas parcellas tutgà tar l'hotel Villa Maria.

Tge che la banca piglia a mauns cun las duas immobiglias n'ha in represchentant da la banca betg vulì dir envers RTR.