Il fanadur 2015 ha ina bova, durant ina malaura, devastà divers objects da la fracziun Pradella en vischinanza da Scuol. Il november 2021 ha la vischnanca da Scuol consentì in project per segirar la fracziun. En quest project èsi previs d’allontanar la chasa da la fundaziun Crusch Blaua, quai per dar dapli spazi da stgargiar en cas da bovas futuras giu da la val Triazza.
Sco proxim èsi previs da realisar in mir da segirezza a dretga dal aualet per proteger las chasas existentas da Pradella. Ils custs per realisar quest project vegn a muntar sin trais milliuns francs. Ina buna part vegn finanziada dal chantun e da la Confederaziun, plinavant paja era il Padrinadi svizzer per vischnancas ina cumpart.
