Impressiuns
-
Bild 1 von 14Legenda: Mathilda Pernisch da S-chanf è in'ortulana passiunada RTR, Anna Caprez -
Bild 2 von 14Legenda: Bel per l'egl e bun per il magun. RTR, Anna Caprez
-
Bild 3 von 14Legenda: Quai che Mathilda Pernisch racoglia ord l'iert vegn duvrà pir l'enviern. RTR, Anna Caprez
-
Bild 4 von 14Legenda: Las verduras, pumaraida e spezias vegnan conservadas en magiels. RTR, Anna Caprez
-
Bild 5 von 14Legenda: Tut ha ses lieu RTR, Anna Caprez
-
Bild 6 von 14Legenda: Mathilda Pernisch passenta numerusas uras en ses curtin. RTR, Anna Caprez
-
Bild 7 von 14Legenda: Flurs per setgentar ed er per l'egl. RTR, Anna Caprez
-
Bild 8 von 14Legenda: La tinctura dad arnica RTR, Anna Caprez
-
Bild 9 von 14Legenda: Flur da graun – surtut per dar colur. RTR, Anna Caprez
-
Bild 10 von 14Legenda: Flurs da malva. RTR, Anna Caprez
-
Bild 11 von 14Legenda: Chaminella RTR, Anna Caprez
-
Bild 12 von 14Legenda: Stevia RTR, Anna Caprez
-
Bild 13 von 14Legenda: Las flurs èn per il plaschair da l'ortulana e dals insects RTR, Anna Caprez
-
Bild 14 von 14Legenda: La racolta da Mathilda Pernisch fa parada. RTR, Anna Caprez
La lavur en iert signifitga per Mathilda Pernisch da S-chanf tut. Ella passenta numerusas uras en ses curtin, nua ch’i crescha pli u main tut. Saja quai verduras, pumaraida e da tutta sorts spezarias.
Per mai è la lavur en iert mes studio da fitness.
Semnà ed emplantà vegnia tut adina tenor il chalender da la glina, suttastritga la dunna da 71 onns, oriunda da Rona en il Surses.
Tut quai ch’ella po racoglier ord in da ses trais ierts sper chasa, vegn duvrà per gronda part l’enviern. Uschia setgenta Mathilda Pernisch las ervinas per maschadar differents tés, far tincturas, salbas u spezarias. Ultra da quai conserva ella las verduras en pitschnas purziuns en la glatschera.
Tut quai ch’ins ha qua a chasa, n’han ins betg dad ir a cumprar en butia ed igl è adina frestg.
Lungurella n’haja ella mai, conceda la dunna creativa cun il polesch verd. L’enviern, cura che la terra dorma, fa ella lavurs a maun u chandailas ord la tschaira da lur avieuls.