Super. Bellischem. Ina prestaziun grondiusa. Uschia tunan las opiniuns da las visitadras ed ils visitaders dal teater en il liber “Girunvalla”. La premiera dal gieu è gartegiada.
Ina bellezza. La culissa – ina bellezza. E l’atmosfera qua sin il plaz grond è natiralmain super.
Era il reschissur Chasper Ans Gaudenz ha be buns pleds per la premiera dal gieu “Girunvalla” ed è fitg cuntents.
«Girunvalla» – in gieu liber modern cun basa tradiziunala
«Girunvalla», il gieu liber vegn preschentà il fanadur avant la culissa istorica dal Plaz Grond a Müstair. Il toc è ina traducziun jaura dal roman «Geier Wally», publitgà l’onn 1883 da l’autura tudestga Wilhelmine von Hillern. L’iniziant ed il reschissur dal project è il magister pensiunà, Chasper Ans Gaudenz da Fuldera.
Jau aveva daditg il teater da Girunvalla en mia chaschutta, uss suenter mia pensiun, hai jau gì il schlantsch ed il temp per realisar il project.
Girunvalla è in toc tradiziunal cun ina tematica, che è e vegn a restar actuala. Numnadamain il cumbat da la giuvna Girunvalla per ses dretgs e per sia amur. L’istorgia è vegnida preschentada durant ils ultims 130 onns en diversas versiuns sin il palc, sco film e perfin er sco opera. Quai demussa, che quell’istorgia n'ha mai pers si’actualitad. La traducziun en lingua rumantscha ha fatg Gion Gaudenz barmier.
Tradiziun da teater en Val Müstair
Da chattar las 11 acturas ed acturs per il gieu liber, na saja stà nagin problem. Ils teatrists derivan ord las duas gruppa da teater en Val Müstair. «Girunvalla» è ina versiun scursanida, adattada al temp dad oz. In’istorgia dramatica cun bler’acziun enturn la persuna principala, giugada da Samuela Duschletta.
Impressiuns emprova da teater
-
Bild 1 von 24Legenda: Girunvalla – giugada da Samuela Duschletta RTR -
Bild 2 von 24Legenda: Il tschess barbet sin il tetg RTR
-
Bild 3 von 24Legenda: La culissa dal gieu liber sin il Plaz Grond a Müstair RTR
-
Bild 4 von 24Legenda: Ina sequenza dal film per cumenzar il gieu liber RTR
-
Bild 5 von 24Legenda: Ina fantschella amez la lavur RTR
-
Bild 6 von 24Legenda: Trais teatrists en acziun sin il plaz, gidanters dal bain puril RTR
-
Bild 7 von 24Legenda: La musica ch'accumpogna il gieu liber RTR
-
Bild 8 von 24Legenda: Il gieu liber vegn adina puspè accumpagnà cun musica melancolica RTR
-
Bild 9 von 24Legenda: Il ghittarist chanta ina chanzun melancolica RTR
-
Bild 10 von 24Legenda: Girunvalla sin il funs, il bab cun bastun è grit RTR
-
Bild 11 von 24Legenda: Girunvalla ha blessà a Vincenz RTR
-
Bild 12 von 24Legenda: Hectica sin il plaz suenter la dispita tranter Girunvalla e Vincenz RTR
-
Bild 13 von 24Legenda: Girunvalla sa dosta a tut pudair RTR
-
Bild 14 von 24Legenda: Josef il chatschader dal urs e sia giuvna cumpogna RTR
-
Bild 15 von 24Legenda: Girunvalla sin chamona cun visitas RTR
-
Bild 16 von 24Legenda: La dunna resoluta – la Girunvalla RTR
-
Bild 17 von 24Legenda: La giuvna cumpogna dal chatschadur dal urs RTR
-
Bild 18 von 24Legenda: In dals gidanters sin il bain puril RTR
-
Bild 19 von 24Legenda: Girunvalla ed il bab RTR
-
Bild 20 von 24Legenda: Girunvalla è turnada a chasa RTR
-
Bild 21 von 24Legenda: La servitid dal bain puril RTR
-
Bild 22 von 24Legenda: Dus gidanters dal bain puril cul chatschader dal urs RTR
-
Bild 23 von 24Legenda: Ina gidantra dal bain puril RTR
-
Bild 24 von 24Legenda: Il reschissur Chasper Ans Gaudenz RTR
Il toc da «Girunvalla» pretendia bler dals acturs ed acturas laics, suttastritga Chasper Ans Gaudenz. Igl è da cridar, dispitar, bitschar, chantar e bastunar sin il palc.
En tut en prevesidas tschintg represchentaziuns. La premiera è la sonda, ils 15 da fenadur 2023.
Ultra da quai datti in program accumpognand cun ina sairada cun il girun en il center, ina prelecziun cun Tim Krohn e Plinio Meyer sco er ina saira cun trais films da Radiotelevisiun Svizra Rumantscha.