Dirigent da duas musicas, president da la corporaziun da baselgia Val d’Alvra, en la direcziun dal grond cussegl evangelic, commember da l’uniun chantunala da musica district 3, organisatur da la festa da vischnanca e passiunà bassist.
![Adnri Poo während der Arbeit im Büro](https://www.rtr.ch/static/cms/images/960w/335fe2e.jpg)
Andri Poo è in um fitg engaschà e cun bleras funcziuns. Quai di sia partenaria Anita Barandun areguard il grond engaschament da ses um:
Nus essan gia 20 onns ensemen e jau sun persunalmain era ferm engaschada. Perquai n’è quai nagin problem per mai.
Andri Poo organisescha regularmain occurrenzas musicalas en baselgia. Sin questa moda s’engascha el per la baselgia. Andri ha in'ureglia averta e vul chattar schliaziuns, metter la persuna en il center e main il conflict.
Ina paja per sia lavur stettia main en il center per l'um da Filisur. Per el saja impurtant d’organisar occurrenzas nua che la populaziun vegn ensemen per avair bellas uras en cuminanza, declera Andri Poo. L’applaus saja la vaira paja per ses engaschament.