L’uniun «Aivlas» vuleva realisar ina nova pensiun d’animals en l’Engiadin’Ota, il focus fiss stà surtut sin chauns. Adattà per in tal project eran tenor evaluaziun l’ur da la vischnanca da Samedan, il bain Polin en il territori da Viergias.
Uss èsi dentant cler: il project na vegn betg persequità vinavant. Tant a Samedan, Schlarigna sco er a La Punt Chamuestg haja dà protestas da vischins, conflicts en connex cun la zona u ch'il lieu n'era betg ideal. Quai ha la societad ditg envers La Posta Ladina. Proxim venderdi haja lieu la davosa radunanza generala. Sinaquai vegn l'uniun «Aivlas» schliada.
Per il project da la pensiun d’animals eran previs custs da radund 3 milliuns francs. Quels avessan stuì vegnir finanziads tranter auter da donaziuns privatas. I sa tracta numnadamain dad in project sin basa privata e betg dad in project regiunal.
