Il lai duess daventar in’attracziun era senza ils gronds events – quels èn numnadamain vegnids spustads sin il 2022.
Gieus da hockey, passlung, skijöring e perfin giugar tennis duai esser pussaivel sin il glatsch dal Lai da San Murezzan. A San Murezzan era il giugar tennis ina tradiziun e quella tradiziun ins vul ussa puspè laschar reviver. Cun questa nova purschida vul San Murezzan attrair famiglias ed oravant tut ina clientella pli giuvna.
Ma il directur da turissem da San Murezzan, Adrian Ehrbar, di cleramain che tut quai duai er pudair exister medemamain cun ils gronds eveniments, quels sajan era en l'avegnir da fitg gronda impurtanza per San Murezzan.
