Il chantun Grischun annunzia che la via da Malögia tranter Segl e Plaun dal Lej è mintgamai serrada durant la notg. La raschun è privel da crudada da crappa. La bloccada duai cuzzar fin l'emna che vegn. Fin lura vul il chantun installar in georadar ch'observa il moviment da la costa sur la via. Per l'autra duai dar in sistem d'avertiment da crudada da crappa.
La via resta averta durant il di. Fin ch'i dat in radar automatic observa persunal dal chantun la costa e vegn a serrar la via sche necessari.
Bloc da 10 tonnas crudà giu il mardi
Dus craps pli gronds èn mardi saira, ils 13-06, vegnids da la costa giu, fin sin la via chantunala tranter Segl Baselgia e Malögia. Il grond da quels era 2 meters cubic grond e 10 tonnas grev. Il segund bloc ha in diameter da var 1 meter. La crappà è sa schliada sin radund 2'500 meters sur mar ed è dada giu 700 meters.
