Töf - Accident mortal sin il Pass dal Fuorn

Venderdi suentermezdi hai dà in accident mortal sin il Pass dal Fuorn. Cun charrar da Zernez en direcziun ospizi è in motociclist tudestg da 70 onns charrà senza in motiv evident da la vart sanestra sin il vial oppost, suenter sur il prà en direcziun guaud. Là è il töf crudà sin la vart. Fin che la Rega è arrivada ha ina media ch'era casualmain al lieu tgirà l'um. Malgrà tuttas stentas è el mort anc al lieu. La raschun per l'accident sto anc vegnir sclerida.