In um ed ina dunna eran la sonda sin il traject tranter la Fuorcla Bellavista ed il Piz Spinas. La sonda saira ha la polizia chantunala lura survegnì l’annunzia che las duas persunas sajan sparidas.
Tar in'acziun da la Rega la dumengia a bunura han ins chattà ils dus alpinists al glatscher Pers, en in'autezza da passa 3'300 meters sur mar. Tenor emprimas enconuschientschas eran l'um e la dunna da viadi sco squadra da suga, cura ch'els èn crudads radund 300 meters en la profunditad.