«45 onns portafortuna en las muntognas», uschia il num dal cudesch nov scrit da l’anteriur spazzachamin Peter Roth. En quel descriva el sia lavur, surtut quella en las muntognas. Sco spazzachamin da l‘Engiadin’Ota e pli tard da la Val Müstair aveva el era da nettegiar ils chamins da las chamonas dal Club alpin svizzer, da las chamonas da chatscha o era ils chamins dals bains.
Jau vaiva da chaminar uras cun las uras. A l’entschatta na vaiv jau betg experientscha sco alpinist. Quai è pir vegni pli tard.”
Creschì si è Peter Roth a Hallau en il chantun Schaffusa. Gia da giuven era el fascinà da l’evla. Pervi da quai vuleva el ir suenter l’emprendissadi a lavurer là, nua che l’evla sgola anc libramain. Uschia è el arriva en Engiadin’Ota e suenter lura en Val Müstair.
Ils alpinists dumandavan ins: «Ma che fa in spazzachamin sin il glatscher?» Tuttina avevan els tschaffen d’inscuntrar a mai.”
Sco spazzachamin è Peter Roth adina stà en gir cun cilinder, faziel da culiez e cun la vestgadira naira. Uschia vuleva el mantegnair la tradiziun e dar ina tscherta valur a la professiun dals spazzachamins.
En ses cudesch «45 onns portafortuna en las muntognas» descriva Peter Roth sia vita professiunala e raquinta sur d’ina o l’autra episoda divertenta.
