In automobilist cun quatter ulteriuras persunas en l’auto era en viadi dal pass vers Silvaplauna, cura ch’el ha vulì surpassar in auto. En consequenza da questa manevra è l’um da 24 onns da l’Eritrea arrivà sin il vial oppost, en la proxima curva dretga. Là è el collidà cun in auto che vegniva encunter, manischà d’ina dunna da 63 onns ch’aveva anc in passagier en l’auto.
Suenter l’accident è la via dal pass dal Güglia restada serrada var duas uras en omaduas direcziuns, sco la Polizia chantunala communitgescha.