In parasgulader è sa blessà considerablamain tar in accident a Silvaplauna. Durant sa tschentar ha el tutgà in tetg d'ina chasa ed è crudà 9 meters. Suenter ha la Rega sgulà el cun blessuras considerablas en l'Ospital chantunal.
L'accident è schabegià il venderdi passà. Il parasgulader è parti da las 16:00 da la staziun da mez Corvatsch. Il parasgulader è 52 onns vegl e burgais dals Stadis Unids. Quai scriva la Polizia chantunala. Ella intercureschia uss en chaussa.
In'ulteriur accident d'in parasgulader il venderdi a Scuol è ì or meglier. L'um da 21 onns ha puspè pudì bandunar l'ospital Scuol.