Seria - Managers d'alp e lur vita intensiva

1 / 10

2 / 10

3 / 10

4 / 10

5 / 10

6 / 10

7 / 10

8 / 10

9 / 10

10 / 10

Quest onn ha visità Armon Schlegel cun sia camera dus chaus d’alp. A maun da lur exempel duai vegnir mussada la lavur che tut ils chaus d’alp en il Grischun fan durant l’onn. Ina da las dus alps è l’Alp Discholas sur Ramosch. In’alp cun 76 vatgas da latg cun chascharia ed il chau d’alp è Luigi Gmür. L’autra alp è l’Alp Lavinuoz sur Lavin. In’alp da nursas cun var 800 tocs. Il chau d’alp è Duri Stecher.

Favrer – mars

Il pli tard uss stuess il chau d’alp avair chattà ses persunal per la stad. Quai n'è però betg uschè simpel, manegian ils dus chaus d’alp. Bun persunal saja rar. Tuts dus han en vista persunal, ma anc betg tut ils contracts èn suttascrits. Els spetga blera lavur da biro. Tenor il chau d’alp Duri Stecher haja da dapli birocrazia ils ultims onns. Cun la preschientscha dal luf e da l'urs daventia er adina pli grev da chattar purs ch'èn pronts da dar lur arments ad alp.

03:51

video

Managers d'alp e lur vita intensiva - part 1/5: Lavurs zuppadas

Or da Telesguard dals 14.10.2024.

laschar ir. Durada: 3 minutas 51 Secundas.

Avrigl – matg

Las tegias e las alps èn plaunet accessiblas e ston vegnir messas en urden, il provediment d’aua e d’electricitad sto vegnir controllà. Ils chaus d’alp fan cun il persunal nov ina visita da la pastgira e decleran la successiun dals singuls fains.

03:23

video

Managers d'alp – part 2/5: Lavurs da preparaziun si d'alp

Or da Telesguard dals 15.10.2024.

laschar ir. Durada: 3 minutas 23 Secundas.

Matg – zercladur

Finalmain van las nursas ed il muvel ad alp. Ils chaus d’alp èn savens tar lur persunal d’alp, cunzunt ils emprims dis, quel temp cur ch'il persunal ha las pli bleras dumondas e malsegirezzas. Quest onn, cun la preschientscha da 17 lufs en la vischinanza da l’alp Lavinuoz, è la malsegirezza e la tema per las nursas fitg gronda. Causa la preschientscha dal luf han il pastur ed il chau d’alp bler dapli lavur.

04:13

video

Managers d'alp – part 3/5: I van ad alp

Or da Telesguard dals 16.10.2024.

laschar ir. Durada: 4 minutas 13 Secundas.

Fanadur – avust

Quai è il temp per giudair la vita d’alp, sche tut va bain. Sco per exempel sin l’alp Discholas. Igl è però er il temp dals problems e da las sfidas. Quai ha badà il chau d’alp da Lavinuoz. Pliras attatgas da lufs, var 20 nursas stgarpadas, blera lavur cun far saivs ed in pastur che tegna la dira e fa frunt al luf.

04:47

video

Managers d'alp e lur vita intensiva – part 4/5: problems e sfidas

Or da Telesguard dals 17.10.2024.

laschar ir. Durada: 4 minutas 47 Secundas.

Settember – october

Tar ils chaus d’alp va a fin in temp intensiv, sco ch'els raquintan è quai prest in job da 30-40%, sch'ins dumbra tut las uras ch'els èn s'engaschads per lur alp e lur persunal. Il muvel turna d’alp la fin da settember suenter in’alpegiada da vaira precis 90 dis. Quai ch'è era la media en Grischun. Las nursas turnan l'october suenter 120 dis.

Cun la «dschelpcha», sco che la stgargiada ha num en Engiadina, n'è la lavur betg a fin per ils chaus d’alp. Preparar tut per l’enviern, inoltrar tut ils formulars als uffizis responsabels e mirar ch'il persunal turnia puspè.

04:45

video

Managers d'alp e lur vita intensiva – part 5/5: la «dschelpcha»

Or da Telesguard dals 18.10.2024.

laschar ir. Durada: 4 minutas 45 Secundas.