La chasa da la societad da tregants a Segl è veglia ed en in nausch stadi. Quai duai sa midar cun il project da generaziuns IG Schützenhaus, ch’è vegnì lantschà questa primavaira. Quel prevesa ch’il edifizi vegn renovà e sanà cun agid da la populaziun da Segl. Oravant tut ils scolars da las scolaras da Segl èn involvidas en las lavurs. Ils uffants han entant cumenzà ad allontanar paraids, glistas da metal e numerusas struvas en la chasa che sa chatta a l’ur da la vischnanca.
Quest è bler meglier che ir a scola
Tenor il co-iniziant dal project Andrea Gutgsell stat surtut la collavuraziun tranter las differentas generaziun en il center. Sper ils uffants da la scola da Segl vegnan er persunas pensiunadas da l’art a s’engaschar en chaussa. Ultra da quai hajan er plirs affars gia offrì lur agid durant las lavurs da renovaziun.
-
Bild 1 von 20Legenda: Ils 11 scolars e scolaras da la 5 e 6avla classa da Segl èn satisfatgs da la lavur ch'els han prestà durant il segund di. RTR -
Bild 2 von 20Legenda: La chasa da la societad da tregants da Segl na vegn betg pli duvrada dapi 20 onns per trair schiba. RTR
-
Bild 3 von 20Legenda: I dat bler da far per renovar la chasa da tregants a Segl. RTR
-
Bild 4 von 20Legenda: Il magister Severin Niggli mussa nua ch'ils scolars pon cumenzar cun allontanar las paraids dal tschiel sura. RTR
-
Bild 5 von 20Legenda: Lavurar sco in profi – tuts han plaschair da las lavurs en la chasa da tregants. RTR
-
Bild 6 von 20Legenda: Las paraids èn entant allontanadas dals scolars. RTR
-
Bild 7 von 20Legenda: Seraina Willy ha emprendì gia bler durant il project ed è loscha da quai. RTR
-
Bild 8 von 20Legenda: Protecziun è impurtanta. Charplina e guants èn obligatorics. RTR
-
Bild 9 von 20Legenda: Tuts gidan e lavuran. RTR
-
Bild 10 von 20Legenda: Er l'iseglia han ils uffants gì d'organisar sez. RTR
-
Bild 11 von 20Legenda: Aris Luis RTR
-
Bild 12 von 20Legenda: schinas da metal ch'han da vegnir dischmessas. RTR
-
Bild 13 von 20Legenda: Il manader dal project «IG Schützenhaus» e magister a Segl, Severin Niggli. RTR
-
Bild 14 von 20Legenda: ...ed a la fin ston ins er far urden. RTR
-
Bild 15 von 20Legenda: Yara Gomes dos Santos s'engascha gugent per il project. RTR
-
Bild 16 von 20Legenda: Tuts gidan nua ch'i va. RTR
-
Bild 17 von 20Legenda: Raffaele Dietsche è stà il respunsabel per il dischmetter las paraids da launa da vaider. RTR
-
Bild 18 von 20Legenda: L'uniun fa la forza. RTR
-
Bild 19 von 20Legenda: L'edifizi duai vegnir duvrà en avegnir sco local multifuncziunal. RTR
-
Bild 20 von 20Legenda: Il project da e per generaziuns a Segl duai porscher a la fin a la populaziun in local multifuncziunal. RTR
Far experientschas per la vita
Sper las lavurs activas cun martè e charplina en la chasa dals tregants, vegnian ils uffants er ad emprender quai ch’i vul per realisar in tal project. Per exempel han els dad ir per offertas tar ils impressaris u er dumandar per agid e sustegn en chaussa.
Jau hai emprendì da ristgar e dumandar ils affarists per agid e sustegn. L’emprim vai jau gì tema da far quai.
Il project IG Schützenhaus che dura sur tschintg onns, prevesa da far la primavaira 2024 in’emna intensiva cun ils scolars e las scolaras da Segl. Finalmain duain las localitads renovadas star a disposiziun a tut las generaziuns sco lieu multifuncziunal.