Enturn la vischnanca da Scuol sburflan passa 20 funtaunas, il Bogn Engiadina nizzegia aua minerala per ils bogns, or da differents bigls sburfla l’aua minerala. «Nua che sta si Scuol èsi en aua minerala», di Niculin Meyer, promotur d'economia da Scuol.
Quai è la finamira pel avegnir. Il turissem vul en avegnir promover pli fitg il tema ed era manar al giast tar las funtaunas.
Cun la bulscha sin exploraziun
La firma Bellprat e partenari da Turitg ha realisà ina tura tras la vischnanca che maina tar 5 funtaunas. Cun ina bulscha sin il dies cun en differents utensils sco per exempel in spievel o ina lupa sto il giast ir en tschertga dad in code per registrar quel en in ipad – uschè vegn el a savair dapli da quella funtauna.
L’istorgia vegn raquintada en ina moda e maniera creativa digitala ma tuttina ins sto visitar la funtauna cun far ina tura da radund 4 uras.
L’iniziativa è vegnida da la fundaziun Pro aua minerala, fundada avant pacs onns. Quella ha l’incumbensa da manar al giast tar la funtauna, là nua che il turissem a Scuol ha vairamain entschet.