Da matg fin avust vegn colurar
-
Bild 1 von 5Legenda: Ils spezialists vi da la lavur RTR -
Bild 2 von 5Legenda: Da sisum enfin giusum vegn colurà RTR
-
Bild 3 von 5Legenda: 8 persunas basegnan 2 dis per elavurar ina pitga RTR
-
Bild 4 von 5Legenda: Era il terren enturn l'alber vegn protegì RTR
-
Bild 5 von 5Legenda: En vischinanza da la fracziun d'Ardez RTR
127 pitgas d'electricitad tranter Pradella en vischinanza da Scuol e La Punt en Engiadin’Ota survegnan ina colur verda che protegia encunter la corrusiun. Questa lavur sto vegnir fatga mintga 30 onns.
Ils davos onns e vegnì rinforzà il conduct da tensiun maximala per pudair augmentar la producziun da forza, quai per segirar il provediment da la regiun ma era da tut la Svizra, uschia Joshu Jullier, responsabel per la communicaziun da quest project tar la Swissgrid.
30 tonnas colur verda
La colur verda vegn duvrada en tut la Svizra, quai per adattar ils masts als conturns, uschia Jullier. Per dar colur ina pitga d'electricitad da radund 80 meters basegnan ins 8 umens che lavuran durant dus dis. La lavur en Engiadina ha entschet il matg e va a fin durant il mais d’avust 2023.
Cun questa lavur va a fin il project dal conduct da tensiun maximala tranter Bever e Scuol. L'entir project vegn a custar radund 120 milliuns francs.