Cun 3,45 milliuns francs svieuta per il onn 2022 ha il Bogn Engiadina Scuol cuntanschi 9% damain che l'onn 2019. Il motiv da prender l’onn 2019 sco referenza è che durant la pandemia eran las svieutas bainquant pli bassas pervia da las mesiras severas.
Il Bogn Engiadina ha fatg in deficit da 1,3 milliuns francs l'onn 2022. Entras la cunvegna da prestaziun tranter la vischnanca e la Bogn Engiadina, resulta tuttina in resultat ordinari egualisà. La 21avla radunanza generala ordinaria ha gì lieu ier saira.
