La gronda part dals 210 scolars da Puntraschigna èn da lingua materna tudestga. Numerus uffants da famiglias che lavuran en l’hotellaria e gastronomia da Puntraschigna han dentant er ragischs portugaisas.
Per ils uffants portugais è la lingua rumantscha pli facila d’emprender.
Tenor Fadri Feuerstein, el è magister e co-manader da la scola a Puntraschigna, na vegnian ni ina ni l’autra lingua a la curta durant l’instrucziun en scola. La scola pedagoga da Friburg haja perfin examinà la savida da la lingua rumantscha tar ils scolars a Puntraschigna e saja vegnida ad in resultat allegraivel.
In satgados optimal per la vita
Cun emprender gia en scola duas linguas, sajan ils scolars er pli flexibels en il chau, suttastritga Fadri Feuerstein. Ultra da quai hajan ils scolars er bler pli simpel d’emprender autras linguas.