Ils sgrafits Engiadinais fascineschan a Heidi Laurent-Domenig dapi blers onns. Er il cular cheramica, ina fascinaziun ch’ella ha surprendì da sia mamma Lidia, saja ina gronda passiun. Uschia è naschì l’affar dad oz ed ils sgrafits Engiadinais na sa chattan betg pli sin las fatschadas da las chasas, mabain era sin vaschella che mintgin po cumprar.
Or dal tschaler cun la butia da zambregiar è pia daventà in atelier, ina butia da cheramica ed in café. Schizunt curs da dissegnar cheramica porscha Heidi Laurent-Domenig. Il success da l’affar che quinta oz quatter impiegadas, saja la constellaziun da famiglia ed il product spezial.
Ovra da famiglia
Heidi, Lidia ed era la sora Arlette lavuran per la butia schlerin creativ. Ed er ils umens sajan engaschads, els però plitost davos las culissas. La butia schlerin creativ è pia in’ovra da famiglia. E quel festivescha quest onn ses giubileum da 25 onns retardà pervia da corona – simplamain il 29avel anniversari.