77,5 % dal suveran da las 12 vischnancas en la Regiun Malögia avevan ditg Gea il favrer 2019 a l’iniziativa «realisaziun e gestiun d’in center da sport d’enviern». Dapi là è la regiun en tschertga da lieus pussibels. Suenter avair fatg scleriments senza success sin l’areal Signal a San Murezzan ed er a Samedan Promulins ost, examinescha entant la vischnanca da San Murezzan sch’ina realisaziun d’ina simpla halla da glatsch fiss tuttina pussibla sin l’areal Islas.
Ristgs ed obstachels
Sin l’areal che sa chatta sper il deposit da pumpiers dador San Murezzan, avess la vischnanca dentant l’emprim dad allontanar restanzas d’ina deponia veglia. La grondezza da l’areal permettess dentant betg da realisar in center da sport d’enviern cumplessiv, mabain ina halla da glatsch communala. La vischnanca da San Murezzan ha entant publitgà en il Fegl uffizial ina concurrenza per chattar ina direcziun che planisass il project.
Or da l'archiv:
