Il 2020 na vegni a dar nagina cursa da furmla E a San Murezzan. Quai rapporta la Posta Ladina, sa referind sin il suprastant da San Murezzan, Martin Berthod. Ils process da decisiun durian in zic pli ditg en Svizra e perquai na saja quai betg realistic d’organisar la cursa l’onn che vegn. San Murezzan haja però anc adina in interess da purtar la furmla E en l’Engiadina.
Il proxim termin per ina cursa da furmla E – che vegn en dumonda per San Murezzan è il zercladur dal 2021. Sper San Murezzan ha però era Genevra annunzià ses interess.
RR novitads 06:00