A San Murezzan hai dà la notg sin mardi in incendi en ina chasa da pliras famiglias. Quai communitgescha la polizia chantunala. Cura ch'il fieu è rut ora na sajan naginas persunas stadas en la chasa. Curt avant las trais haja in vischin vesì flommas en il plaunterren da la chasa e sinaquai alarmà la polizia.
Ils 35 pumpiers da San Murezzan eran spert al lieu ed han duvrà pliras uras da stizzar quest fieu. La raschun per il fieu n'è anc betg clera. La Polizia chantunala eruescha uss en chaussa.