Men Juon, il possessur actual dal bain da chavals San Jon venda sin la fin november il bain. Il nov possessur è Reto Rauch da Sent che ha lavurà parzialmain durant ils ultims 20 onns sin il bain da chavals San Jon.
San Jon era in pitschen bain agricul cur che Men Juon ha surpiglià quel da ses bab en la vegliadetgna da 22 onns. Cumenzà ha el cun 8 vatgas. Oz è San Jon il pli grond bain da chavals turistic en il Grischun, sche na perfin en la Svizra.
Sia agricultura e creschida ad in manaschi cun quasi 20 impiegads, radund 80 chavals, in saloon cun restaurant e varga 40 letgs per osps.
Or da motivs da sanadad e cunquai che sia partenaria va en pensiun surdat el il bain sin ils emprims da december a Reto Rauch. El planisescha da manar enavant il bain en la furma sco ils davos onns.
