Ina gruppa da lavur ha evaluà differentas pussaivladads. Duas variantas èn sa cristallisadas ora. L'emprima varianta prevesa che l'ospital regiunal duai lavurar vinavant independentamain. La segunda varianta prevesa che l’ospital collavura u perfin ina pussaivla fusiun cun l'Ospital chantunal dal Grischun.
Evaluaziun fin la fin da l’onn
Tenor il president dal cussegl da fundaziun Christian Brantschen duain las duas variantas vegnir valitadas suandant dus puncts. Dad ina vart duai esser garantì in provediment da sanadad persistent en la regiun. Da l’autra vart è la portabilitad finanziala da l’ospital per las vischnancas purtadras in punct impurtant. Ils rapports detagliads duain esser sin maisa da la fundaziun per la fin da l’onn.
Las duas variantas èn en la fasa d’evaluaziun, e lura ves'ins, tge varianta che ha il pli grond plus per nossa regiun.
Reacziun dal departament da sanadat
Per il cusseglier guvernativ Peter Peyer è impurtant ch'i vegn discutà en la regiun differentas pussaivladads sco ch’il futur da l’ospital pudess vesair ora. Per el sajan tuttas duas variantas opziuns per l'avegnir.
