La serenera regiunala ARO a S-chanf duai ir en funcziun durant l'emprim mez onn 2021. Per garantir ina buna midada surdattan Samedan e Bever davent dal 1. da schaner 2021 il manaschi a l'ARO, scriva la suprastanza da Samedan. La nova serenera regiunala a S-chanf duai remplazzar las trais sereneras existentas en Engiadin’Ota.
L’Ara Sax duai silsuenter vegnir construida enavos, per quai restan las vischnancas da Samedan e Bever responsablas ensemen cun l’ARO. Ils custs vegnan stimads sin 1,5 milliuns francs e las lavurs duain cumenzar il segund mez onn 2021.