Ils custs per il traffic public sa sbassian. Quai pervia da midadas da las lingias da bus.
Purschida pli gronda , custs pli bass
A partir da la mitad da december da quest onn, duain ils uraris sa midar. Er ils tacts da las lingias vegnan uschia pli svelts – quai custa, ma betg per las vischnancas da la Regiun Malögia. Tar tschertas lingias impurtantas ch'èn planisadas sa mida numnadamain il status dal «status supplementar» sin il status «traffic da persunas regiunal» (RPV). Quai munta ch'il chantun Grischun e la Confederaziun surpiglian tut ils custs per quellas lingias da bus. Il Chantun surpiglia 20% e la Confederaziun 80% dals custs.
Anc betg cler, per quant pli ch'ils custs sa sbassan
Pervi d'in recurs cunter la decisiun davart la dumanda tgi che duai gestiunar las lingias da bus, n'èsi betg stà pussaivel da metter ensemen las cifras per il budget dal 2025. A curta vista han ins stuì chattar ina soluziun provisorica per ils proxims dus onns cun la gestiunaria actuala. Las cifras latiers n'hajan ins anc betg pudì presentar, ha Monzi Schmidt – la presidenta da l'uniun da vischnancas traffic public da l'Engiadin'Ota – ditg. Ins spetgia da pudair preschentar il budget 2025 vers la fin d’atun a las vischnancas da l’Engiadin’Ota.