A la radunanza communala da mesemna saira ha il cussegl communal preschentà als 48 preschents la proposta per ina nova plazza da scola. Las votantas ed ils votants han approvà il credit da 490'000 francs per la realisaziun dal project. Quel resguardia tut ils basegns da la plazza en il center da la vischnanca. Il spazi è en il medem mument plazza da scola, center istoric e lieu d'inscunter.
Pli planiva e senza saiv
Previs è da gulivar la plazza che è actualmain pendenta e da realisar sco access en la chasa da scola e la sala da gimnastica ina stgala cuminaivla che po er vegnir duvrada sco palc. Las emprimas discussiuns per modifitgar la plazza da scola avevan cumenzà il 1977. Dapi lura avevan ils da Zuoz adina puspè laschà elavurar concepts e projects che la populaziun ha dentant refusà. La nova furma da la plazza da scola, circumdada d'in mir da betun en furma da banchins empè da la saiv existenta, duai vegnir realisada per la stad 2023.
-
Bild 1 von 6Legenda: La plazza da scola a Zuoz ha ina vart cun pendenza che duai vegnir egualisada. RTR, Anna Caprez -
Bild 2 von 6Legenda: Durant il temp da scola è la plazza circundada d'ina saiv. mad vischnanca da Zuoz
-
Bild 3 von 6Legenda: Nov duai la plazza da scola betg pli avair in pendenza e vegnir circumdada d'in mir da betun che serva sco banc. mad Klainguti + Rainalter SA
-
Bild 4 von 6Legenda: L'access en las duas chasas da scola duai succeder via ina stgala cuminaivla che furma il medem mument in palc. mad Klainguti + Rainalter SA
-
Bild 5 von 6Legenda: Il palc che vegn furmà da las duas stgalas duai servir sco palc per occurrenzas e represchentaziuns. mad Klainguti + Rainalter SA
-
Bild 6 von 6Legenda: Zuoz enturn il 1900 cun la plazza da scola anc circumdada d'ina saiv da lain. mad vischnanca da Zuoz
Ultra da quai ha il cussegl communal preschentà in'analisa da potenzial per ils areals Purtum e Plagnoula. La finamira è stada da mussar il potenzial futur da la scola ed il turissem. En in proxim pass va ina gruppa da lavur vid l'elavuraziun da projects pussibels.