La radunanza communala da Zuoz ha approvà il nov contract d’obligaziuns per acziunaris da la destinaziun turistica Engiadina Turissem a partir dal proxim prim da schaner. L'Engiadina San Murezzan Turissem SA daventa l'Engiadina Turissem SA cun quai che San Murezzan ha decis da bandunar l'organisaziun turistica l'onn che vegn. Sco la vischnanca da Zuoz scriva, resta en sasez tut identic, cun quai che la vischnanca San Murezzan na fa pli part a l'organisaziun, sa mida dentant il budget, il chapital d'aczias ed il cussegl administrativ. Il cussegl communal survegn ussa la cumpetenza stipular la cunvegna da prestaziun cun la nov'organisaziun.
Plinavant han las 24 Zuozingras e Zuozinghers preschents approvà unanimamain il quint da l’onn passà. Quel serra cun in plus da 41'178 francs, quai tar entradas da var 13,4 milliuns francs.
