Puspè aua gronda da Susasca - Nagin problem per Susch – grazia a las mesiras da segirezza

Quest mais è la Susasca puspè creschida – e bain inqual vegn ad esser sa regurdà da l'onn 2005. Quella giada aveva l'aua gronda da la Susasca devastà chasas e stgatschà abitants. La Susasca è l'aual che maina ord la Val Susasca permez la vischnanca da Susch giu en l'En.

L'En grond sco dapi decennis betg pli

Questa giada èsi stà auter. Dad ina vart manava er l'En aua gronda – auter ch'il 2005 – ed è perquai stà capabel dad ir cun il material che la Susasca ha purtà ord la val.

Da l'autra vart èn sa cumprovadas las mesiras da segirezza ch'èn vegnidas realisadas suenter il 2005:

Uschia han ina serra ed in ulteriur batschigl si sur Susch fatg lur lavur e tegnì enavos il material da la Susasca. Quel material, radund 2'000 meters cubic, vegn actualmain allontanà.

Grazia a la surveglianza permanenta tras ils collavuraturs da Zernez ha tut funcziunà a temp e senza donns.

RR actualitad 17:40