Puntraschigna - La chavorgia da Puntraschigna vegn inscenada

La trav d'equiliber vegn plazzada

A Puntraschigna è la trav d’equiliber cun ina lunghezza da 37 meters vegnida auzada sin ses fundaments sur la chavorgia da l’ova da Bernina. Quai marchescha in’impurtanta finamira d’etappa per il project da recreaziun «Chavorgia da l’aua selvadia Ova da Bernina».

Architects Nora Lippuner e Renato Sabbadini da la «Lippuner Sabbadini Architekten GmbH» da Turitg avevan gudagnà cun lur project «Schauplätze», la concurrenza d’ideas che l’organisaziun turistica aveva inizià.

L’entir project, ch'è vegnì budgetà sin dus milliuns francs da la vischnanca Puntraschigna, duess vegnir a favur da visitaders e visitadras sco era d’indigens.

Sper la trav d’equiliber èsi previs da realisar anc dapli attracziuns turisticas sco per exempel in «infopoint», ina tribuna sut il viaduct, in telescop cun vista sin ils sportists che raivan sin glatsch, in chanzla cun vista sin l’ova da Bernina ed dapli auter. Las lavurs han cumenzà l'entschatta da la stad da quest onn e duessan vegnir terminadas cun duas ulteriuras etappas fin l'onn 2025.