La Guardia aviatica svizra da salvament Rega vuless realisar en avegnir sia infrastructura a Samedan independentamain da l'entir project «Plazza aviatica regiunala». Quai en in lieu separà. Il concept general da la gruppa da project prevesa dentant d'integrar tut ils hangars per las interpresas d'helicopter, inclus la Rega.
La suprastanza da Samedan ha chapientscha per ils basegns da la Rega, uschia il president communal Gian Peter Niggli, ella stettia però plitost critica envers la soluziun proponida da l'organisaziun da salvament.
Per l'ina s'augmentass la canera per la vischnanca, per l'autra impediss la varianta cun dus lieus il svilup da la zona da mastergn Cho d'Punt.
Ils 4 d'avrigl duai dar in inscunter a Turitg cun tut las partidas involvidas. La finamira saja da chattar là ina soluziun cuminaivla, uschia Niggli.
Or da l'archiv: