Il settember dal 2019 ha Patrick Steger surpiglià il post sco chanzlist a Zuoz da Claudio Duschletta. La surdada haja funcziunà bain, grazia al fatg che omadus hajan anc pudì lavurar parallel ensemen.
Il fatg che mes antecessur ha er dumagnà la lavur da chanzlist senza avair gì avant enconuschientschas dal mund communal, m’ha dà curaschi.
Las lezias ch’in chanzlist ha da surpigliar sajan entant adina pli vastas ed hajan pli e pli da far cun dumondas giuridicas. Dentant giauda Patrick Steger er il contact cun la populaziun. Ed er suenter esser gia passa in onn en uffizi, dettia adina puspè rauba «nova» ch’el vesia, haja da tractar u da respunder l’emprima giada.
En sasez stuessan nus discurrer sur da quai che n’è betg chaussa e lezia dal chanzlist. La glista fiss pli curta.
Sche la lavur da chanzlist resta ses job fin tar la pensiun, quai na vul il Zuozingher gnanca dir. Finalmain dependia er adina dal patrun. E quel mida il pli tard suenter ch’il temp d’uffizi dal president u da la presidenta communala scada.
