-
Bild 1 von 5Legenda: L'arriv da las trais cursas da La Diagonela è amez Zuoz, sin la plazza da scola. RTR, Riccarda Müller -
Bild 2 von 5Legenda: Suenter la cursa han ils curridurs fom e said. RTR, Riccarda Müller
-
Bild 3 von 5Legenda: Adina dapli curridurs arrivan a Zuoz. RTR, Riccarda Müller
-
Bild 4 von 5Legenda: Pli tard ch'i vegn e dapli glieud sa chatta amez Zuoz. RTR, Riccarda Müller
-
Bild 5 von 5Legenda: Avant che ir a la festa a mangiar in plat pasta pon ils curridurs deponer lur skis. RTR, Riccarda Müller
Passa 1'000 participantas e participants èn ids a la partenza da La Diagonela, La Pachifica e La Cuorta. En congual cun l'onn avant è quai in plus da 15%. Ed era il Maraton da skis engiadinais è vendì ora quest onn uschè baud sco anc mai.
Tge fascinescha damai la glieud vi dal far passlung? Ils curridurs en l'arriv dian:»
- esser en la natira
- trenar l'entir corp
- il bel moviment
- pudair decider tempo ed intensitad
Passlung è in sport per tuts, per giuvens e vegls, per sportivs e per quels che han simplamain gust da sa mover ordadora. E passlung è natiralmain vegnì bler pli popular cun ils success da Dario Cologna.
Stretg na saja quai tuttina betg daventà sin las loipas, dian ils participants da la cursa classica che cumenza e finescha a Zuoz. Era sch'ins badia ch'i haja adina dapli glieud sin las loipas, haja quai anc adina plaz per tuts.
RTR actualitad 06:00