Betg be per atletas ed atlets èn gieus olimpics in highlight, mabain er per aspectaturs. Che la flomma olimpica è suenter 72 onns per la terza giada en Svizra ed er a San Murezzan fa plaschair ad indigens e giasts.
Jau chat quai grondius che nus avain puspè gieus olimpics en la val. E quai en ina maniera fitg simpatica.
Quatter disciplinas a San Murezzan
Da las total 16 differentas disciplinas han quatter lieu a San Murezzan, numnadamain las cursas da bob, skeleton, schlitta ed il patinadi a sveltezza. E per l’emprima giada è en la disciplina patinadi vegnì fatg ina cursa tut speziala, il «mixed teamsprint» nua ch’ins ha furmà cun trair la sort teams da dus atlets e duas atletas or da differentas naziuns.
225 dals total 1'872 atletas ed atlets s'inscuntran en Engiadina. Ch'il cor dals gieus olimpics giuvenils è a Losanna na disturba betg insatgi. Sajan quai organisaturs ubain aspectaturs.
Il cor dals gieus olimpics giuvenils è a Losanna – l’olma è a San Murezzan
Ils gieus olimpics da la giuventetgna èn ina fascinaziun betg mo per atletas ed atlets, mabain er per aspectaturas ed aspectaturs.
RTR actualitad 17:00 / Telesguard 17:40