La claustra Son Jon a Müstair survegn sustegn dal chantun per cuntinuar cun sia renovaziun. La regenza grischuna ha decis ina contribuziun da maximalmain 148'700 francs per la «Fundaziun Pro Claustra Son Jon». Pervia da l'impurtanza dal cumplex vegnia anc ina giada vitiers la medema summa da la Confederaziun, hai num en ina communicaziun. Ils custs totals da l'etappa da renovaziun da quest onn muntan a radund 2,6 milliuns francs. La claustra vegn renovada dapi il 2006, quai mintgamai en projects d'etappas. La claustra da Müstair è in dals monuments culturals ils pli prezius da la Svizra e vegn er menziunà sin la glista da l'UNESCO.
Or da l'archiv