A l'occasiun dal 70avel anniversari da la societad da pestgaders da Segl organisescha ella ina grond'acziun da deliberar il rument or dal lai da Segl. Ensemen cun spezialists da sfunsar da Turitg prevesan ils pestgaders d’allontanar rument sco fier e plastica. Enfin ina profunditad da radund 30 meters vulan els pestgar ora tut il rument en vischinanza da la riva. Tenor il president da la societad da pestgaders, Antonio Walther, sa tracti da radund in otgavel da la surfatscha totala dal lai.
400 voluntaris sa participeschan
Radund 200 volunaris a la riva e 200 sfunsaders en previs per l’acziun che vegn ad avair lieu ils 14 da zercladur 2025. Plinavant vegnan era bastiments a gidar e schizunt in sutmarin. Quest’acziun vegn a custar radund 310’000 francs. La societad da pestgaders vul finanziar quest’acziun cun agid da sponsurs e donaturs, ma era cun sustegn da vischnancas sco era dal chantun.
Sensibilisar la populaziun
En vischinanza da plazzas da parcar autos e per lung da las sendas da spassegiar chattan ins bler rument en l’aua. Cun quest’acziun vul la societad da pestgaders sensibilisar la populaziun da betg duvrar il lai sco deposit da rument.
Or da l'archiv:
